[ad_1]
پاکستانی یوٹیوبر اور ٹک ٹاکر معاذ صفدر کے بعد ذولقرنین سکندر نے بھی بھاری مالی نقصان کا انکشاف کیا ہے۔
حال ہی میں یوٹیوبر اور ٹک ٹاکر ذولقرنین نے اپنی اہلیہ اور یوٹیوبر کنول آفتاب کے پوڈ کاسٹ میں بطور مہمان شرکت کی اور مختلف امور پر بات چیت کی۔
دوران شو انہوں نے ایک سوال کا جواب دیتے ہوئے انکشاف کیا کہ وہ ٹریڈنگ میں تقریباً سوا 2 کروڑ روپے کا نقصان کرچکے ہیں۔
انہوں نے بتایا کہ میرے ایک دوست نے مجھے ٹریڈنگ کا مشورہ دیا، اس کے مشورہ پر میں نے اپنے بھائیوں کے ساتھ ملکر ٹریڈنگ پر پیسہ لگایا جبکہ کنول اس کے خلاف تھی لیکن میں نے اس کی ایک نہ سُنی اور اپنے دوست کے بتائے ہوئے راستے پر چل پڑا۔
یوٹیوبر نے مزید بتایا کہ میں نے اپنے بھائیوں کے ساتھ مل کر ٹریڈنگ پر پیسے لگائے تو شروع میں ہمیں 31 لاکھ روپے کا نقصان ہوا، ابتداً بڑے بھائی نے نقصان کے بعد مزید پیسے لگانے سے منع کردیا تھا۔
انہوں نے بتایا کہ جب میں نے اس حوالے سے مذکورہ دوست کو بتایا کہ اتنا نقصان ہوگیا ہے تو اُس نے کہا کہ یہ تو ہوتا رہتا ہے، تُم مزید پیسہ لگاؤ تو تُمہیں لاکھوں ڈالرز کا فائدہ ہوگا تو میں اس کی باتیں سن کر لالچ میں آگیا، میں نے اور میرے چھوٹے بھائی نے اپنے اکاؤنٹ کی ساری رقم ٹریڈنگ پر لگا دی۔
ذوالقرنین نے بتایا کہ اُس کے بعد ہم عُمرہ کرنے چلے گئے، وہاں جاکر چھوٹے بھائی کا فون آیا اُس نے روتے ہوئے بتایا کہ ہماری ساری رقم ڈوب گئی ہے، اس طرح ہمیں سوا 2 کروڑ روپے کا نقصان ہوا۔
انہوں نے مزید بتایا کہ اس وقت میں نے اللہ سے دعا کی کہ میرے دل و دماغ سے ٹریڈنگ کا لالچ نکال دے کیونکہ میں مزید نقصان اور پریشانی برداشت نہیں کرسکتا تھا۔
اُنہوں نے مزید کہا کہ میں نے عُمرہ سے واپس آکر ہمیشہ کے لیے ٹریڈنگ چھوڑ دی اور پھر مجھے بعد میں معلوم ہوا کہ ٹریڈنگ حرام ہے۔
Maqvi News #Maqvi #Maqvinews #Maqvi_news #Maqvi#News #info@maqvi.com
[ad_2]
Source link
