[ad_1]
یورپین یونین نے اسرائیل کی جانب سے مقبوضہ مغربی کنارے میں نئے گھروں کی تعمیر کو بین الاقوامی قانون کی خلاف ورزی قرار دیتے ہوئے اس فیصلے کو واپس لینے پر زور دیا ہے۔
اس حوالے سے یورپین ایکسٹرنل ایکشن سروس کے لیڈ اسپوکس مین پیٹر سٹانو کے مطابق یورپی یونین نے بدھ کے روز اسرائیلی ہائی پلاننگ کمیٹی کی طرف سے گھروں کو آگے بڑھانے کے منصوبوں کی منظوری کی مذمت کی ہے جس سے مقبوضہ مغربی کنارے میں غیر قانونی بستیوں کو مزید وسعت دی جائے گی۔
اس حوالے سے یورپی یونین نے اسرائیل پر زور دیا ہے کہ وہ ان فیصلوں کو واپس لے۔
پیٹر سٹانو کے مطابق یورپی یونین اس بات کا اعادہ کرتی ہے کہ یہ آبادکاری بین الاقوامی قانون کے تحت غیر قانونی اور امن کی راہ میں رکاوٹ ہے کیونکہ یہ دو ریاستی حل کیلئے خطرہ ہے۔
پیٹر سٹانو کے مطابق بستیوں کی یہ توسیع کشیدگی کو کم کرنے کی جاری کوششوں سے مکمل طور پر مطابقت نہیں رکھتی جو کہ رمضان اور ایسٹر کے آنے والے مذہبی تہواروں سے پہلے اور بھی اہم ہے۔
ترجمان کے مطابق یورپی یونین کا یہ مؤقف بدستور برقرار ہے کہ وہ یروشلم سمیت 1967 سے پہلے کی سرحدوں میں کسی بھی تبدیلی کو تسلیم نہیں کرے گا بشمول ان کے علاوہ جو فریقین کی طرف سے متفقہ ہیں۔
Maqvi News #Maqvi #Maqvinews #Maqvi_news #Maqvi#News #info@maqvi.com
[ad_2]
Source link
