اداکارہ میرا کی خواتین سے انتخابات میں حقِ رائے دہی کا استعمال کرنے کی اپیل | Maqvi News

[ad_1]

اداکارہ میرا، فائل فوٹو
 اداکارہ میرا، فائل فوٹو

پاکستان شوبز انڈسٹری کی معروف اداکارہ میرا نے خواتین سے اپیل کی ہے کہ ملک میں 8 فروری کو ہونے والے انتخابات میں اپنا ووٹ ضرور کاسٹ کریں۔

اداکارہ میرا کا پاکستانی خواتین کو دیا گیا ایک خصوصی پیغام سوشل میڈیا ویب سائٹ ایکس پر وائرل ہورہا ہے۔

اُنہوں نے اپنے پیغام میں کہا کہ الیکشن کا موسم ہے تو میں خاص طور پر خواتین سے یہ کہنا چاہوں گی کہ وہ انتخابات میں اپنے حقِ رائے دہی کا استعمال لازمی کریں۔

اداکارہ میرا نے کہا کہ ایسی خواتین جو پردہ کرتی ہیں اور گھروں سے باہر نہیں نکلتیں میں ان سے بھی کہوں گی کہ 8 فروری کو گھروں سے نکلیں اور اپنا ووٹ لازمی کاسٹ کریں۔

اُنہوں نے کہا کہ میں ابھی اپنے والد صاحب کے ساتھ بھی یہی گفتگو کر رہی تھی کہ پاکستانی خواتین کو اپنے ووٹ کے ذریعے اپنے ملک کے مستقبل کے فیصلے کے اس عمل میں شامل ہونا چاہیے اور ووٹ لازمی کاسٹ کرنا چاہیے۔

Maqvi News #Maqvi #Maqvinews #Maqvi_news #Maqvi#News #info@maqvi.com

[ad_2]

Source link